MA Astudiaethau Celtaidd
Disgrifiad o'r Modiwl - Y Ferch yn yr Oesoedd Canol: Ffynonellau o'r Rhanbarthau Celtaidd
Adran: Adran y Gymraeg
Cod Modiwl: MAAC0420
Lefel: MA
Tymor y dysgu: amherth.
Nifer y credydau: 20
Dulliau Asesu: un traethawd (oddeutu 5,000 o eiriau)
Dull(iau) Dysgu: dysgir o hirbell â deunyddiau dysgu / e-ddysgu ysgrifenedig; tiwtora unigol trwy'r post/e-bost
Rhaganghenraid / Rhagangenrheidiau: dim
Cydanghenraid / Cydangenrheidiau: dim
Elfennau Anghymarus: dim
Cyfrwng Dysgu: yn Gymraeg neu yn Saesneg
Darlithydd / Cydlynydd: Dr Elisa Moras a Dr Jane Cartwright
Oriau Cyswllt: amherth.
Darlithiau wythnosol: amherth.
Tymor y dysgu: Cofrestru hyblyg
Maes Llafur:
Bydd y modiwl hwn yn ystyried bywydau a rolau merched yn yr Oesoedd Canol yn y rhanbarthau Celtaidd. Dechreuir trwy rhoi sylw i rôl merched mewn barddoniaeth arwrol Geltaidd, gan roi sylw arbennig i'r Gododdin , barddoniaeth chwedlonol Gymraeg gynnar a thema sofraniaeth mewn llenyddiaeth Wyddeleg gynnar. Dilynir hyn gan astudiaeth o farddoniaeth llys Celtaidd i ferched yn y Canol Oesoedd, gan ystyried hefyd y cyd-destun Ewropeaidd. Bydd y modiwl wedyn yn craffu ar gyfraniad diwylliannol merched (megis Gwerful Mechain), yn noddwyr ac yn feirdd, i fywyd canoloesol, cyn trafod statws merched yng nghyfraith Hywel Dda a chyfraith gynnar Iwerddon. Rhoddir ystyriaeth hefyd i rôl merched mewn bywyd crefyddol wrth astudio'r ffynonellau hanesyddol sydd ar gael sy'n sôn am leiandai yng Nghymru, Iwerddon a'r Alban.
Deilliannau Dysgu
Erbyn diwedd y modiwl bydd myfyrwyr yn gyfarwydd â ffynonellau hanesyddol, llenyddol a chyfreithiol am ferched yn y rhanbarthau Celtaidd. Byddant yn gallu cyrchu ac asesu ffynonellau cynradd ac eilaidd perthnasol, a'u gwerthuso'n feirniadol. Bydd y myfyrwyr hefyd wedi datblygu dealltwriaeth o gyd-destun cymdeithasol, crefyddol ac economaidd merched Celtaidd yn yr Oesoedd Canol.
Sgiliau trosglwyddadwy a sgiliau perthnasol eraill
Fel yn achos pob modiwl ôl-radd, bydd y modiwl hwn yn datblygu sgiliau beirniadu ar lefel ôl-raddedig: mae'r rhain yn cynnwys, yn bennaf dim, y gallu i ymchwilio'n annibynnol, ac i lunio a chyflwyno dadleuon beirniadol.
Er na fydd y modiwl yn canolbwyntio'n benodol ar sgiliau rhyngrwyd, mae'n cynnig y cyfle i ddefnyddio ac i bwyso ffynonellau rhyngrwyd wrth ymgymryd ag ymchwil ac ysgrifennu o safon uchel.
Llyfryddiaeth ddethol
- Davies, Sioned, ‘Y ferch yng Nghymru yn yr Oesoedd Canol', Cof Cenedl 9 (1994), 1–32.
- Cowan, I. B. and Easson, D. E., Medieval Religious Houses: Scotland (Llundain, 1976).
- Easson, D. E., ‘The nunneries of medieval Scotland', Scottish Ecclesiological Transactions 13 (1940-41), 22–38.
- Fulton, Helen, ‘Medieval Welsh poems to nuns', Caergrawnt Medieval Celtic Studies 21 (1991), 87–112.
- Jenkins, Dafydd a Morfydd E. Owen (eds), The Welsh Law of Women (Caerdydd, 1980).
- Mac Cana, Proinsias, ‘Theme of king and goddess in Irish literature', Études Celtiques , 7 (1955-6), tt. 76–114, 356–413; 8, (1958-9) tt. 59–65.
- McCash, June Hall (gol.), The Cultural Patronage of Medieval Women (Georgia, 1996).
- Meek, Christine a Simms, Katherine (eds), ‘The Fragility of Her Sex'? Medieval Irishwomen in Their European Context (Dulyn, 1996).
- Moras, Elisa, ‘Nawdd gan Ferched yng Nghymru yn yr Oesoedd Canol', Llên Cymru (2005), yn y wasg.
- Rowland, Jenny, Early Welsh Saga Poetry (Caergrawnt, 1990).
Gwerthuso:
Dosberthir holiaduron gwerthuso modiwlau i fyfyrwyr wrth iddynt gwblhau pob modiwl. Trafodir y cwricwlwm hefyd mewn cyfarfodydd tymhorol y Pwyllgor Ymgynghorol Staff – Myfyrwyr, a gwahoddir myfyrwyr e-addysg i gyflwyno sylwadau ar e-bost i'r Cyfarwyddwr e-addysg cyn y cyfarfodydd. Gwneir adroddiadau blynyddol ar y cwricwlwm gan yr Arholwr Allanol. Adolygir cynlluniau gradd y Brifysgol o bryd i'w gilydd gan yr Asiantaeth er Gwarantu Ansawdd Addysg Uwch.
