Cyfieithu
| Modiwl : | Cyfieithu |
| Cyfeirnod: | 2ECym1020w |
| Credyd : | 20 |
| Darlithydd : | Yr Athro D A Thorne |
| Tymor: | 1 a 2 |
Amcanion
- galluogi'r myfyrwyr i feithrin dealltwriaeth o grefft cyfieithu drwy eu gorfodi i ymchwilio'n drylwyr i gefndir i darnau gosod ac i archwilio meysydd megis cywair ac arddull.
Deilliannau Dysgu
Erbyn diwedd y modiwl dylai myfyrwyr allu
- eu mynegi eu hunain yn gryno mewn ieithwedd sy'n briodol i'r darnau a gyfieithwyd
- ymchwilio'n effeithiol a chyfiawnhau'r dewisiadau a wneir ganddynt o ran geireg a chystrawen
I gychwyn cyflwynir myfyrwyr i ddefnyddiau llyfryddol sylfaenol sy'n rhaid wrthynt er mwyn cyfieithu'n llwyddiannus - geiriaduron, geirfâu, gramadegau. Dewisir cyfres o ddarnau i'w paratoi, a thrafodir yr anawsterau geirfaol, cyweiriol, diwylliannol, semantegol ayb sydd ynghlwm wrth y darnau gosod cyn mentro ar ddrafft pellach. Trefnir cyfle i adolygu, golygu ac ymgynghori cyn cyflwyno fersiwn terfynol i'w arholi.
Dull asesu
Cyflwynir cyfres o ddarnau o amrywiol gyweiriau i'w arholi ynghyd â thrafodaeth ar chwech o ffurfiau/anhawsterau sy'n digwydd yn y darnau dan sylw.
Llyfryddiaeth
Rhennir llyfryddiaeth ar ddechrau'r cwrs.
